MəxfİLİk Sİyasətİ

Son yenilənmə tarixi: 31.01.2025

1. GİRİŞ

Bu Məxfilik Siyasəti ("Siyasət") "BOKT Embafinans" QSC tərəfindən şəxsi məlumatlarınızın işlənməsi ilə bağlı məxfilik bəyanatıdır. Şəxsi məlumatlarınızın qorunması bizim üçün əhəmiyyətlidir və onun tam müdafiəsini təmin etməyə çalışırıq.

Bu Siyasət vasitəsilə siz haqqımızda, şəxsi məlumatlarınızı toplama və işləmə məqsədlərimiz, şəxsi məlumatlarınızı ötürdüyümüz və açıqladığımız üçüncü şəxslər, şəxsi məlumatlarınızın qorunmasını necə təmin etdiyimiz və bu məlumatları nə qədər müddət saxladığımız haqqında ətraflı məlumat əldə edə bilərsiniz.

2. HAQQIMIZDA

"BOKT Embafinans" QSC (VÖEN: 1302932691) Azərbaycan Respublikasında dövlət qeydiyyatına alınmış və Azərbaycan Respublikasının Mərkəzi Bank tərəfindən verilmiş BKT-10 saylı lisenziya əsasında fəaliyyət göstərən bank olmayan kredit təşkilatıdır.

Fəaliyyət göstərdiyi ünvan: Bakı şəhəri, Yasamal rayonu, General Akim Abbasov küçəsi ev 73E

E-mail ünvanı: [email protected]

Telefon nömrəsi: *1414

3. TOPLADIĞIMIZ MƏLUMAT

Biz Müştərilərə yüksək keyfiyyətli göstərmək məqsədilə Embafinans mobil tətbiqi və veb tətbiqi ("Platforma") vasitəsilə aşağıdakı məlumatları toplaya bilərik:

3.1. Adınız, soyadınız, ata adınız;
3.2. Doğum tarixiniz və doğulduğunuz yer;
3.3. Yaşayış / qeydiyyat ünvanınız;
3.4. Şəxsiyyət vəsiqənizdən məlumat və foto şəkil;
3.5. Zəruri olan maliyyə məlumatları, o cümlədən amma bunlarla məhdudlaşmayaraq:
3.5.1. Debet kartı məlumatları;
3.5.2. Azərbaycan Kredit Bürosu (AKB) və Embafinans Platformasından kredit tarixçəniz;
3.5.3. Kredit ödəniş cədvəli;
3.6. Cihaz məlumatlarınız, o cümlədən amma bunlarla məhdudlaşmayaraq:
3.6.1. Telefonun, kompüterin və ya digər cihazın IP ünvanı;
3.6.2. Cihazın modeli, əməliyyat sisteminin növü, brauzer və digər məlumatlar;
3.6.3. Həqiqi zamanlı mövqe məlumatları;
3.6.4. Cihazın tanınmasına imkan verən digər məlumatlar (məsələn, cihazın IMEI nömrəsi, MAC ünvanı və s.);
3.7. E-mail ünvanınız;
3.8. Telefon nömrəniz;
3.9. İş yeri məlumatları (iş yeri, təcrübə illəri, əmək haqqı məbləği və digər əlaqədar məlumatlar);
3.10. Biometrik KYC məlumatları (məsələn, SIMA KYC, üz şəkli);
3.11. Kukilər. Veb səhifəmizi ziyarət etdikdə, şəxsi məlumatlarınızı toplamaq üçün kukilərdən istifadə edə bilərik. Kukilər, cihazınızı tanıyan kiçik mətn fayllarındakı məlumatlardır. Bu məlumatı emal etməyimizin əsas məqsədi, davranışınızı təhlil etməkdir. Biz etiraf edirik ki, istifadə etdiyimiz kuki növündən asılı olmayaraq, əgər məlumatlar sizi tanımağa imkan verirsə, bu məlumatlar şəxsi məlumat sayılır və qanunvericiliyə əsasən emal edilməlidir.
3.12. Təsdiqinizlə əlaqəli kontaktlarınızın siyahısı (telefon nömrələri).

4. MƏLUMAT TOPLAMA PROSESİ

Sağladığımız şəxsi məlumatlar, sizdən və ya üçüncü tərəf (mənbə) tərəfindən bizə təqdim olunan və ya digər mənbələrdən topladığımız məlumatlardan ibarətdir. Toplanan məlumatlarınızı mənbəyinə görə aşağıdakı kimi kateqoriyalara ayırırıq:
4.1. Bizə verdiyiniz məlumatlar: Məlumatlar, qeydiyyat, kredit müraciətləri və hesab yeniləmələri zamanı birbaşa sizdən toplanır. Bu, formalar vasitəsilə və ya yükləmələr yolu ilə əl ilə təqdim olunan hər hansı bir sənəd və avtomatlaşdırılmış sistemlərlə edilən qarşılıqlı əlaqələri əhatə edir. Qeydiyyat zamanı toplanan məlumatlar, sizin FİN nömrəniz və mobil telefon nömrəniz kimi məcburi sahələrdən ibarət ola bilər, həmçinin KYC və Müştəri uyğunluğu tədbirləri üçün əlavə məlumatlar.
4.2. Platformadan istifadə etdiyiniz zaman toplanan məlumatlar: Məlumatlar kukilər, veb beacon-lar, izləmə pikselləri və analitik alətlər vasitəsilə avtomatik toplanır. Bu məlumatlar cihaz identifikatorları, brauzer nümunələri və iştirak metrikalarını əhatə edir. Cihazın dil seçimləri kimi parametrlər də toplana bilər ki, bu da xidmətin çatdırılmasını optimallaşdırmağa və təcrübənizi şəxsləşdirməyə kömək edir.
4.3. Üçüncü tərəf məlumatları: Biz, kredit bürolarından (AKB), AsanFinansdan məlumatlar toplaya bilərik. Bu xidmətlər, əməliyyatları tamamlamaq, risk qiymətləndirmələri aparmaq və ya hüquqi tələblərə uyğunluq təmin etmək üçün məlumat təqdim edə bilər.
4.4. Açıq məlumatlar: Biz sizin haqqınızda ictimai olaraq mövcud olan mənbələrdən, məsələn, veb saytlar, sosial şəbəkələr, peşəkar media və digər mənbələrdən məlumatlar toplaya bilərik.

5. MƏLUMATLARI TOPLAMA MƏQSƏDLƏRİMİZ

Biz "məlumat minimizasiyası" prinsiplərinə riayət edirik, yəni yalnız müəyyən məqsədlər üçün məlumat toplamaq və emal etmək məqsədini güdürük. Bu məqsədlər aşağıdakılardır:
5.1. Yüksək keyfiyyətli xidmət göstərilməsi məqsədilə;
Şəxsi məlumatlarınızı, sifariş etdiyiniz xidmətləri təqdim etmək üçün emal etməyimiz lazımdır. Məsələn, hesab qeydiyyatı üçün adınız, soyadınız, ata adınız, telefon nömrəniz, şəxsiyyət vəsiqəniz və digər məlumatlarınız, həmçinin kredit müraciəti yaratmaq üçün sizin və alıcının müvafiq məlumatları lazımdır.
5.2. İstifadəçi Davranışının dəyərləndirməsi məqsədilə;
Biz sosial reytinq sistemi ilə məşğul olmuruq, amma istifadəçi davranışını təhlil edərək məhsul və platformalarımızı uyğunlaşdırmağımız lazım ola bilər. Bu, xidmətlərimizi yaxşılaşdırmağa və sizə ən uyğun məhsulları təklif etməyə kömək edəcəkdir.
5.3. Maliyyə və Risk Qiymətləndirməsi məqsədilə;
Kreditlə bağlı qiymətləndimələr üçün şəxsi identifikasiya nömrələrini (FİN), iş yerinizin məlumatlarını və yaşayış ünvanınızı toplayırıq, bu məlumatlar dövlət bazalarından yoxlanılır ki, şəxsiyyətinizin təsdiq edilməsi və cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı qanunvericiliyin tələblərinə uyğunluq təmin olunsun. Həmçinin, xarici kredit hesabatı agentliklərindən və daxili metriklərdən istifadə edirik ki, ödəniş fəaliyyəti izlənilsin. Maliyyə əməliyyatlarının məlumatları, məsələn, gəlir təsdiqedici məlumatları, kredit riskini qiymətləndirmək və maliyyə xidmətlərinə uyğunluğunuzu müəyyənləşdirmək üçün istifadə edilə bilər.
5.4. Marketinq məqsədilə;
Şəxsi məlumatlarınızı, bizim və tərəfdaşlarımızın təqdim etdiyi xidmət və məhsulları təklif etmək məqsədilə emal edirik. Məsələn, maraqlarınıza əsaslanaraq məhsullar təklif etmək üçün məlumatlarınızı emal edə bilərik. Eyni zamanda, tərəfdaşlarımızdan olan kredit məhsulları ilə bağlı sizə əlaqə qura bilərik.
5.5. Təhlükəsizliyin təmin edilməsi və fırıldaqçılıq hallarının qarşısının alınması məqsədilə;
Hesab təhlükəsizliyini təmin etmək üçün müxtəlif tədbirlər tətbiq edirik, o cümlədən biometrik məlumatlar və bir dəfəlik şifrə (OTP) doğrulaması. Şifrələmə, icazəsiz girişin qarşısını almaq və istifadəçi məlumatlarının bütövlüyünü təmin etmək məqsədilə istifadə olunur.
5.7. Sizinlə əlaqə saxlamaq məqsədilə;
Biz, ehtiyacınız olduğunda sizinlə əlaqə saxlaya bilərik.
5.8. Qanunvericiliyə Uyğunluq
Biz şəxsi məlumatları qanuni öhdəlikləri yerinə yetirmək, həmçinin məlumatlarınızın saxlanması və işlənilməsinı qanunvericiliyə uyğun təmin edirik Bu cinayət yolu ilə əldə edilmiş əmlakın leqallaşdırılamasına və terrorçuluğun maliyyələşdirilməsinə qarşı Azərbaycan Respublikasının qanunvericiliyinin tələblərinə riayət etməyi əhatə edir. İstifadəçi fəaliyyəti lazımi hallarda monitorinq edilə bilər və qanuni öhdəlikləri yerinə yetirmək məqsədilə bildirilə bilər. Məlumatlar audit, vergi və digər hüquqi məqsədlərlə saxlanıla bilər. Eyni zamanda qanunvericilklə müəyyən edilmiş qaydada hüquq-mühafizə orqanlarına, maliyyə institutlarına nəzarət orqanına araşdırmalara cavab olaraq şəxsi məlumatlar açıqlana bilər.

6. MƏLUMATIN SAXLANMASI

6.1. Biz, məlumatlarınızı daxili məlumat emalı mərkəzlərimizdə saxlamağı hüququmuz olaraq saxlayırıq. Hazırda məlumatlarınızı aşağıdakı yerlərdə saxlayırıq:
6.1.1. Daxili məlumat emalı mərkəzlərimizdə;
‍6.2. Məlumatlarınızı bu Siyasətdə göstərilən məqsədləri yerinə yetirmək üçün lazım olduğu müddətcə saxlayırıq. Əgər məlumat artıq bu Siyasətdə nəzərdə tutulan məqsədlər üçün lazım deyilsə, məlumat məhv ediləcək və hər hansı bir surəti silinəcəkdir.

7. MƏLUMATIN TƏHLÜKƏSİZLİYİ

Biz, məlumatlarınızın təhlükəsizliyini şifrələmə və digər müasir təşkilati və texniki tədbirlər vasitəsilə təmin edirik. Məlumatlar, məlumat emalı mərkəzində və ya bulud infrastrukturunda saxlanarkən və ötürülərkən tam şifrələnir.

8. MƏLUMATIN ÖTÜRÜLMƏSİ

8.1. Yuxarıda qeyd edildiyi kimi, biz öz məhsullarımızı və tərəfdaşlarımızın məhsullarını təqdim edirik və təkmilləşdiririk. Bundan əlavə, biz banklardan, texniki dəstək verən şəxslərdən, məsləhətçilərdən və digər üçüncü tərəflərdən xidmətlər alırıq. Bu məqsədlər üçün bəzən məlumatlarınızı üçüncü tərəflərə ötürə bilərik. Üçüncü tərəflərə aşağıdakılar, amma bunlarla məhdudlaşmayaraq daxildir:

8.1.1. Müəyyən məlumatları tələb etməyə səlahiyyətli dövlət orqanları;
8.1.2. Məhkəmələr;
8.1.3. Auditorlar;
8.1.4. Hüquq məsləhətçiləri;
8.1.5. Ödəniş agentləri;
8.1.6. Texniki, analitika, kommunikasiya, texnologiya, məlumat və digər xidmət təminatçıları;

8.2. Məlumatlarınızın ödəmə əməliyyatlarını həyata keçirmək üçün tərəfdaşlara ötürülməsi, Azərbaycan Respublikasının müvafiq qanunvericiliyinə uyğun olaraq, bizə bu Siyasəti pozmaq kimi qəbul edilməyəcək.
‍8.3. Şəxsi məlumatlarınızın üçüncü tərəflərə ötürülməsi Azərbaycan Respublikasının qanunvericiliyinə uyğun olaraq həyata keçirilir.

9. MƏXFİLİK SİYASƏTİNDƏ DƏYİŞİKLİKLƏR

Bu Siyasəti dövri olaraq yeniləyə və dəyişdirə bilərik. Siyasətin yenilənmiş və ya dəyişiklik edilmiş mətnini ən azı 30 (otuz) təqvim günü öncədən Platforma vasitəsilə bildiriş göndərməklə Sizə göndəriləcək. Dəyişikliklərə hər hansı bir münasibət bildirmədiyinizdə bu dəyişiklikləri qəbul etmiş hesab olunursunuz.

10. MƏSULİYYƏT

10.1. Siz yalnız və tamamilə təqdim etdiyiniz məlumatların düzgünlüyünə, aktuallığına və tamlığına cavabdehsiniz. Əgər məlumatlar düzgün olmazsa, biz qeydiyyatınızı və ya veb saytımızdan və Platformamızdan istifadənizi dayandırmaq və ya ləğv etmək hüququna sahibik. Səhv məlumat təqdim etməyiniz nəticəsində yaranan mənfi nəticələrə görə biz məsuliyyət daşımırıq.
‍10.2. Siz, yetkinlik yaşına çatdığınızı və veb saytımızdan və Platformamızdan istifadə etmək üçün tam səlahiyyətli olduğunuzu təsdiq edirsiniz.